XOGAMOS?: maio 2019

venres, 31 de maio de 2019

CREACIÓN DE XOGOS EN 6º

Na clase de 6º creamos varios xogos. Empezamos por facer xogos de CONECTA para estudar mapas:

E últimamente creamos con materiais de refugallo varios xogos divertidos e curiosos, que podedes probar no cole ou na Mostra que faremos en Salvaterra. Mirade:

xoves, 30 de maio de 2019

En 4º de Primaria a ciencia seguiunos inspirando para xogar, neste caso coa luz, co son, co movemento e a electricidade. Agora creamos en equipos caleidoscopios, teléfonos de vasos e un tobogán para canicas que acenden unha luz cando chegan ao final! Moitos retos para aprender e divertirnos.

sábado, 25 de maio de 2019

LOGOTIPO PARA A MOSTRA

Pensando no evento final do noso proxecto puxemos en marcha a imaxinación para crear un logotipo que o represente. E velaquí o logo seleccionado para o colexio de Leirado:

NOA de 2º de Primaria

E para que vexades a nosa creatividade, aquí están todas as creacións:

venres, 24 de maio de 2019

O NOSO RECREO

Ao longo do curso fomos coñecendo máis xogos e outras formas de xogar.

Descubrimos que os xogos teñen moitas variantes segundo os lugares e as épocas, e que o máis importante é que os xogadores e xogadoras se poñan de acordo en certas normas antes de xogar: o que vale, o que non vale.

Así que nas aulas informámonos e escribimos o que acordamos sobre algúns dos xogos que máis utilizábamos no recreo, poñendo todo nun arquivador para poder consultar facilmente, na planta baixa.

Practicamos o que aprendimos

Temos materiais novos, algúns especialmente destinados ao xogo libre e creativo.

E novos xogos de mesa na sala da entrada, ademais dos que xa tiñamos na Biblioteca.
Agora os nosos recreos son variados e estupendos!

AQUÍ MÁIS IMAXES

XA TEMOS GAÑADORA

A gañadora do concurso de CREACIÓN DO LOGO foi ARIADNA IGLESIAS MARTÍNEZ de 6º de Educación Primaria.

Aquí a vemos moi contenta co seu agasallo e tamén deixamos unha foto da súa marabillosa creación.

PARABÉNS ARI!!!

xoves, 23 de maio de 2019

ATINA NA TROMPA!

Como sabedes, en Leirado ultimamente andamos a construir xoguetes. Hoxe os máis peques do cole, de 3 e 4 anos, pasaron polas clases a mostrarnos un xogo que fixeron e ademais, deixaron un en cada aula para que practiquemos.

Pero so ata fin de curso eh!

mércores, 22 de maio de 2019

CREACIÓN LIBRE DE BRINQUEDOS

Hoxe a Cooperativa Miudiño ofreceu ao alumnado de Oliveira un obradoiro de creación libre de brinquedos.
Pasárono xenial e crearon xoguetes moi orixinais.
Podedes ver no seguinte vídeo o ben que o pasaron na actividade.

CONCURSO LOGOS

Xa temos todos os logos listos, agora toca elexir ao gañador ou gañadora que anunciaremos o próximo venres 25 de maio no programa de radio.

Moita sorte a tod@s e moitas grazas por participar!

VÍDEO TITORIAL: ELABORANDO UN MUÍÑO DE VENTO

Seguimos construindo xoguetes. Desta volta foi un muíño.
Lemos, pescudamos e debatimos cual sería a mellor forma de facelo.
Seguindo as instruccións fomos confeccionandoo. E para que podades facer vós o mesmo, deixámosvos o seguinte titorial.

sábado, 18 de maio de 2019

MARIQUIÑAS

Dende a clase de 1º estiveron xogando e traballando coas mariquiñas.
Foi moi divertido e interesante. Agora podedes ver os resultados.

LENDO HISTORIAS: A NENA E A MONECA

Un xoguete proporciona horas de diversión e momentos inesquecibles. Pero tamén nos achega ao mundo da imaxinación, dos soños, dos sentimentos e das emocións. E, ás veces, un humilde xoguete convértese no talismán que nos protexe de todos os males e nos proporciona o valor suficiente para superar os atrancos da infancia.
Carmen, Cristina e Lucía, de 5º, len para nós "A nena e a moneca", un fermoso e pouco coñecido relato de Xosé Filgueira Valverde.

A protagonista da historia lembra un dramático acontecemento da súa infancia no que unha simple boneca de cartón é testemuña do paso da vida á morte, do paso da idade da inocencia á madurez.

Se che gustou, aquí tes o texto para ler. (Aumenta o tamaño da imaxe clicando enriba)