O XOGO NO TEMPO

XA temos o resultado das enquisas sobre o xogo nas diferentes xeracións!!!! 

Expuxemos o traballo na planta baixa do colexio para que toda a comunidade educativa poida ver as estatísticas e conclusións obtidas.

Aquí vos deixamos as imaxes do resultado.

6º PRIMARIA

5º PRIMARIA

4º PRIMARIA

3º PRIMARIA

2º PRIMARIA

1º PRIMARIA

6º INFANTIL

4º-5º INFANTIL

AGORA TOCA COMEZAR A INVESTIGAR!!!!

TRABALLANDO COAS ENQUISAS

Durante o mes de novembro, nas nosas aulas estivemos traballando coas enquisas que enviamos ás casas, para ver como xogaban os nosos avós/as, pais e nais e comparalo co que fan os nenos e nenas hoxe en día.


Aprenderon a facer baleirado de enquisas e a reflectir eses resultados en distintos tipos de gráficos.

O alumnado de terceiro explícanos como fixeron as súas gráficas.




Deixámosvos un pequeno resumo do traballo de aula no resto de clases.

ZOADEIRA

Esta proposta na Biblioteca para o tempo de lecer tívonos enredados durante uns días en que ninguén quería quedar sen facer a súa zoadeira.

Un sinxelo e clásico xoguete que tamén está considerado un instrumento aerófono polo son zoante que fai, como puidemos informarnos aquí.

Animádevos a probar!

CIRCUITOS ELÉCTRICOS

O alumnado de 6º aprende nos xogos de mapas creados por eles mesmos con circuitos eléctricos. Aquí nolo contan:

INVESTIGANDO COA BUXAINA

O alumnado de 4º experimentou e investigou cos trompos, facendo tamén unha comparativa cunha versión máis moderna. Mirade:

O XOGO NAS NOSAS VIDAS

Velaquí un resumo das nosas investigacións sobre hábitos lúdicos en tres xeracións diferentes. Expuxemos o noso traballo para toda a comunidade. Nel podemos ver os resultados das enquisas e as conclusións que o alumnado entendeu a partires delas.

Coincidimos todos os cursos en varias cousas:

• Os avós, pais e nais xogaban máis ca nós na rúa e cos veciños.

• Nós xogamos máis na escola e na casa, con amigos e compañeiros.

• Os avós xogaban pouco e traballaban máis na casa.

• Os avós construían xoguetes.

• Moi poucos xogaban cos seus pais e avós. Nós un pouco máis.

• Algúns xogos dos adultos coinciden cos nosos. Outros non os coñecemos. 

• Os adultos agora xogan pouco ou nada.

Agora, moitas ganas de probar xogos que nos contaron e de contaxiar o espíritu lúdico a toda a nosa comunidade. 

Aquí máis imaxes

XOGAMOS NO MAGOSTO

Este ano o magosto no cole de Oliveira foi diferente!. 

Como temos tantas ganas de xogar e aprender xogando, convidamos á Cooperativa Miudiño, que nos ofreceu un espazo de xogo libre con brinquedos tradicionais feitos con madeira.

Pasámolo xenial e aprendemos a xogar con cousas que nunca viramos antes.

Aquí podedes ver o ben que o pasamos!!!